Lindesnes Trekkspillklubb 30 års jubileumsshow

Nærare 3 000 show, 16 CD- plater, 17 videoutgjevingar, blant dei ein fjernsyns- og kinofilm som er vist seks gongar på NRK, 11 USA- turnear gjennom 31 statar og turnear i 12 andre land er noko av det dei glade trekkspelarane har vore med på sidan klubben vart starta i 1990. Speleglede og godt humør, og av og til kanskje ei tåre, er det som kjenneteiknar desse blide sørlendingane. Kjende og kjære melodiar står på programmet når 45 musikarar frå Vest-Agder, Aust-Agder og Rogaland står på scena.

No feirar dei jubileum, og lovar oss Lindesnes trekkspillklubb på sitt aller beste! Samtlege musikarar gler seg til igjen å fylle salen på Oseana. Her er det berre å gle seg!