Longform Impro

Har du lyst å ta din impro eit steg lengre? Har du lyst å spela teater, men synes manus legg for mykje band på deg? Då er me gruppa for deg.

I dette kurset utforskar me improteater i eit lengre format. Det vil seie improvisasjon i ei serie av scener, for så å lage eit show basert på få eller berre eit forslag heilt i byrjinga av forestillinga. Me kjem til å jobbe med grunnleggande og vidarekomne teknikkar for å bygge karakterar, lage gode scener og saman skape dei gode historiane der desse scenene heng saman. Sjølv om eit av måla til kurset er å la deltakarane ta improvisasjonen sin på alvor og utvikle scenekunsten sin, er det viktigaste å ha det moro i lag og spele kvarandre gode.