Aktuelle alternativer
Praktisk info
Sponsede linker
Askeladden navnelapper - rask levering!
Get Inspired - alt i trening og fritid
Magasinet - frilufteksperten siden 1991
Detaljer
Ei musikalsk vestlandskrønike, del 2: 1975 – 1985
Etter fulle hus med HEIM 1 og ein suksess utan sidestykke i Hordaland Teater si 30 år lange historie, er vi no klare til å ta fatt på det andre kapittelet av denne Vestlandskrønika som har i alt fire delar. I andre kapittel av HEIM skal vi vitje fylket vårt i åra mellom 1975 og 1985. Premieren vert i Logen 21. februar 2019 og regien vert ved Eirik del Barco Soleglad.
Eit imponerande lag av sterke vestnorske forfattarar har tatt imot utfordringa om saman å skrive fram eit bilete om kven vi var då. Til Heim 2 har vi med oss Ruth Lillegraven, Gunnar Staalesen, Tore Renberg som nye forfattarar i tillegg til velkjende forfattarar frå Heim 1 som Marit Eikemo, Frode Grytten og Ragnar Hovland.
Morten Svartveit frå Voss (kjend frå NRK serien «Heimebane») er med som skodespelar denne gongen. Han vil stå på scenen i lag med Kjærsti O. Skjeldal. Ho er kjend frå ulike filmar og teaterroller ved Det Norske Teatret. Dei er begge nye fjes på Hordaland Teater. Saman med Hadle Lavold Reisæter (som er aktuell med Kapital på HoT i haust), Sigrid Moldestad og Ljudmil Nikolov vil dei ta oss med til tiåret 1975 – 1985. Kva rørte seg i Hordaland, i hordalendingen sitt blikk på seg sjølv og på verda omkring oss i dette tiåret? Vi vil invitere publikum med til å minnast hendingane, songane og livet den gongen. I eit leikent teaterspråk flyttar vi oss rundt i fylket og midt i alle hendingane står Voksne Herrers Orkester med eit solid soundtrack som tek oss tilbake til denne tida
HEIM 1 fekk supergode kritikkar og det har kun vore utselde hus i vår. Alle dei 12 ekstraframsyningane frå 16. august – 7. september er også utselde! Totalt er det selt ca 10750 billettar til Heim 1. TERNINGKAST 6 I BA : «Det er bare å ta av seg hatten» TERNINGKAST 5 I BT: «HEIM skriv seg inn i sjela til vestlendingen» AVISA HORDALAND: «Strålande vestlandskrønike» STRILEN: «Dristig og vellukka» DAGBLADET: «Musikalsk minnebok med lydspor fra livet»