Mosegga

Turen kan starte enten på Mosetra eller øvst i Mosmarka byggefelt. Turen er lettast med start på Mosetra, på 330 moh. Alternativt kan ein starte på 90 moh øvst i Mosmarka byggefelt. Frå Mosetra går turen opp mot Rambjørhornet og vidare mot Sandhornet 909 moh. Ein svipp ut på Rambjørhornet gir fin utsikt i fleire retningar, vel verdt den vesle avstikkaren. Frå Sandhornet går turen på egga i god sti over Grøthornet og Kråkenakken til Brekkeheida. Her er stien merka til Pølsa, der det er besøksbok og vidare til utsiktspunktet på Brekkeheida. Her er det flott utsikt mot Ørsta sentrum. Stien går så ned til kanalvegen og til byggefeltet på Øvre Mo. Turen tek normalt mellom 3 - 5 timar alt etter kor god fysisk form ein er i og kor mange pauser ein ynskjer å ha.